اے اللہ! تومجھے مجھ سے بھی زیادہ جانتا ہے اور ان لوگوں سے زیادہ اپنے نفس کومیں پہچانتا ہوں۔ اے خدا! جو ان لوگوں کاخیال ہے ہمیں اس سے بہتر قرار دے اور ان (لغزشوں) کو بخش دے جن کا انہیں علم نہیں۔ حکمت 100
(٣٢٥) وَ قَالَ عَلَیْهِ السَّلَامُ
(۳۲۵)
لَمَّا بَلَغَهٗ قَتْلُ مُحَمَّدِ بْنِ اَبِیْ بَكْرٍ:
جب آپؑ کو محمد ابن ابی بکر (رحمہ اللہ) کے شہید ہونے کی خبر پہنچی تو آپؑ نے فرمایا:
اِنَّ حُزْنَنَا عَلَیْهِ عَلٰى قَدْرِ سُرُوْرِهِمْ بِهٖ، اِلَّاۤ اَنَّهُمْ نَقَصُوْا بَغِیْضًا، وَ نَقَصْنَا حَبِیْبًا.
ہمیں ان کے مرنے کا اتنا ہی رنج و قلق ہے جتنی دشمنوں کو اس کی خوشی ہے۔ بلاشبہ ان کا ایک دشمن کم ہوا اور ہم نے ایک دوست کو کھو دیا۔